۳-جو فصل: قدیمی I/O (آلیش/بوراخیش)
پروقراملاما سیاحتی باشلاماق اوچون لاپ یاخشی یول، باشا دوشمه‌سی و دگیشمه‌سی راحات اولا بیلن بیر ساده پروقرام ایله چالیشماق‌دیر.
بو ایشی باجارماق اوچون، input و output (I/O) اساس مفهوم‌لاری بیلمک یاخشی یاردیمچی اولار.
بو فصلده (I/O) موضوع اوچون اساس مفهوم‌لاری و نئجه پروقراملاما ایشینده نقش اوینادیقلارینی تانیتاجاییق.
سیز بیر نئچه I/O فانکشن‌لری تانییاجاقسینیز و جالیب متنی گؤسترن بیر پروقرامی یارادماق اوچون بو فانکشن‌لردن بیری‌نین ایشلتمه‌سینی باجاراجاقسینیز.
یاراتدیغینیز پروقرام بیر ایطیلاعاتی آلاجاق و اونا گؤره آیری بیر ایطیلاعاتی یاراداجاق.
معمول بیر C پروقرامی بئله ایشله‌ییر: ماشین (کامپیوتر) ایطیلاعاتی آلماغا بیر ساییدا ایشلری گؤرور و سونرا آیری ایطیلاعاتی تولید ائدیر.
پروقرام بیر ایش گؤرمه‌سه، اوندا ساده‌جه بیر ألدن ایطیلاعات آلیب و اوبیری أله بوراخیر. بو دورومدا ایچری‌یه نه گیرسه، ائله ده ائشیگه گئدیر.
C کیتابلیق‌لار اوچون بیر مجموعه بوراخیش فانکشن‌لری وار و ۳ ساییسی داها چوخ معمول‌دور:
- puts()
- printf()
- putchar()