بیر ساییدان چوخ و موشابه موتغیرلرین توپلومونا دوٚزن دئییلیر. مثلا گوٚنده‌کی قاچدیغینیز مصافت‌لرین یوخاری رکورد لیستی، بیر دوٚزن اولا بیلر.
ایسترینگ ده بیر دوٚزن‌دیر و تک-کاراکترلی موتغیرلردن جورلنیب‌دیر.
بو فصلده، دوٚزن‌لر اوچون صؤحبت ائده‌جه‌ییک: نئجه بیر دوٚزنی یارادماق، نئجه اونو میقدارلار ایله دولدورماق، نئجه ایچینده‌کی متغییرلره أل تاپماق و حتی بیر نئچه گیزلی اسراری دا کاراکترلردن تشکیل اولان ایسترینگ اوچون آچیقلایاجاییق.
آشاغیداکی پروقرام‌دا، ۴ ساییدا اعشاری عددی یارادیب و میقدار ایله دولدورماسینین دوزگون اولمایان و گؤرولمه‌مه‌لی یولونو گؤره بیلرسینیز.
#include <stdio.h>
int main()
{
float temp1 = 84.9;
float temp2 = 83.7;
float temp3 = 85.8;
float temp4 = 88.2;
printf("Local temperatures:\n");
printf("Station 1: %.1f\n",temp1);
printf("Station 2: %.1f\n",temp2);
printf("Station 3: %.1f\n",temp3);
printf("Station 4: %.1f\n",temp4);
return(0);
}بو پروقرام‌دا ۴ ساییدا اعشاری عدد آیری‌جا تعریف اولوبدور، ایری‌جا میقدار ایله دولوب‌دور و آیری‌جا دا چاپ اولوبدور.
البته بو پروقرامی کامپایل ائدیب و چالیشدیرا بیلرسینیز، آنجاق بوتون بو تیکراری ایشلری گؤرمک چوخ دا دوزگون اولماز و داها یاخشی یول ایله ده بو ایشی یئرینه یئتیره بیلرسینیز.
سونراکی کود'دا بونو ایمتیحان ائده‌جه‌ییک:
#include <stdio.h>
int main()
{
float temps[4] = { 84.9, 83.7, 85.8, 88.2 };
int x;
printf("Local temperatures:\n");
for(x=0;x<4;x++)
printf("Station %d: %.1f\n",x,temps[x]);
return(0);
}بوراخیش ائله ایکی پروقرام اوچون ده آشاغیداکی اولاجاق:
Output Terminal
Local temperatures:
Station 0: 84.9
Station 1: 83.7
Station 2: 85.8
Station 3: 88.2
Process returned 0 (0x0) execution time : 0.005 s
Press ENTER to continue. ایندی گلین بو پروقرامین نئجه چالیشدیغینا بیر گؤز آتاق.
۴-جو سطرده، ۴ ساییدا عونصورا شامیل اولا بیلن اعشاری بیر دوٚزن تعریف ائمیشیک و دالیسی‌جا دا شامیل اولدوغو عونصورلاری بیر-بیر تانیتمیشیق.
سونرا x تکین بیر صحیح موتغیر نظرده آلمیشیق.
Local temperatures:تکین متنی چاپ ائده‌رک، بیر سطر آتلانماق اوچون آردیسی‌جا \n قاچیش کاراکتری یازمیشیق.
۷-جی سطرده، for حلقه‌سی یارادمیشیق و 1 میقداردان 4 میقداراجان سایاراق، ساییلاری x موتغیر اوچون ایختیصاص وئرمیشیک. البته بو for حلقه‌نین نورمال گؤردوگو ایش‌دیر.
سونرا دا ۸-جی سطرده، x-جی عونصوری چاپ ائتمیشیک.
یازدیغیمیز temps[x] کلمه‌سی، temps دوٚزنی اوچون x-جی عونصوری تمثیل ائدیر.