ایندی C پروقراملاما دیلی اوچون موقدماتی موضوع‌لاری بیلیرسینیز.
گؤردویونوز تکین ده، چوخلاری‌نین C دیلیندن قورخماقلاری و اونو قورخونج و چتین گؤرمکلری، یالنیز C دیلینده مؤحکم و کؤکلو بیلگیلری اولماماقدان قایناقلانیر.
C دیلی‌نین نحو و موختلیف عونصورلاری‌نی باجارینجا، اونو چوخ تایسیزجا ساده و راحات گؤره‌جکسینیز.
بو کیتاب‌داکی مطرح اولان موضوع‌لار، بیراز دولاشیق و چتین گؤرونسه‌لر ده، یالنیز موقدماتی بحث ساییلیرلار.
بورادا آچیقلادیغیمیزلار ایسه تمل و اساس بحثلر اولاراق، C پروقراملاما دیلینده سیزین اوچون مؤحکم و دوٚزگون باجاریق یاراتماق و شئی-یؤنتملی (object oriented) پروقراملاما تکین داها پروفشنال و قاباقجیل (advanced) موضوع‌لاری اؤگرنمگینیز اوچون یاردیمچی اولماق آماجی ایله مطرح اولوبلار.
C پروقراملاما دیلی دوغرودان دا ایلگینج پروقراملاما دیلی‌دیر. «لینوس توروالدز» دئدیگی تکین، C پروقراملاما دیلی تایسیزدیر و اونون تکین دیل یوخدور.
بو کیتاب‌داکی مطلب‌لر ایله داها باجاریقلی پروقرامچی اولماق اوچون بیر آتدیم یاخینلاشمانیزی اومارام.
بو کیتاب اوچون بیر اؤنری (پیشنهاد، توصیه) یوخسا اینتیقادینیز اولسا، بیزیم ایله توئیتر، تلگرام و اینستاگرام‌دا ایلگی قورا بیلرسینیز.
@bilgiazer , bilgiazer.ir
سیزه اوغورلار.