دانیشدیغیمیز فانکشن‌لرین ایشی، بیر یا نئچه کاراکتری، ایستاندارد بوراخیش قوُرغوسونا (device) گؤندرمک‌دیر، ایستر ترمینال ایستر صفحه یا آیری بیر قورغو اولسون، puts فانکشنی ایسترینگ متنی ایستاندارد بوراخیشا گؤندریر. puts دئمک، put-string دئمک‌دیر و string ایسه دوبل-کوت آراسیندا احاطه اولونموش بیر مجموعه کاراکتر'دیر.
بو فانکشن، Stdio.h تانینان header file ایچینده تعریف اولوبدور و قاباقکی dummy پروژه‌سینده‌کی ۱-جی سطرده یئر آلمیشدی. آشاغیداکی کود'دا puts فانکشنی ایستیفاده اولونوب، آنجاق ایسترینگ اوچون مخصوص اولان بؤلومو یوخدور. بو کودو دگیشه‌رک، puts فانکشنه ایسترینگ آرتیرماق اوچون چالیشاجاییق. سورس کوْد:
#include <stdio.h>
int main ()
{
puts ()
return (0);
}
ایندی puts فانکشن اوچون ایکی دوبل-کوت آراسیندا ایسترینگ بیر میقدار یازین. ایلک دوبل-کوت علامتی یازارکن، ایکینجی‌سینی ده متن دوٚزلدن اتوماتیک اؤزو یازاجاق.
#include <stdio.h>
int main ()
{
puts ("Bu bir ornekdir");
return (0);
}
یاخشی، یازدیغینیز متن، گؤردویونوز تکین آچیق یاشیل رنگ‌ده گؤرونه‌جک.
ذخیره، کامپایل و ایجرا ائدین. بوراخیشدا گؤردویونوز تکین، ایکی دوبل-کوت آراسیندا یازدیغینیز متن گؤرونه‌جک.
Output Terminal
Bu bir ornekdir
Process returned 0 (0x0) execution time : 0.005 s
Press ENTER to continue.
حتی تک-کوت یازسانیز دا، CodeBlocks اونو دوبل-کوت ائده‌جک!
نئچه ساییدا puts دستوری ایستیفاده ائله‌سنیز ده، نئچه ساییدا #include <stdio.h> یازماق لازیم دئییل. همیشه ده دستورالعمل سطرلری سمی-کلون ایله قورتارین.
یاخشی، گلین ایندی کامنت آرتیراق.
قاباقجادان بیلدیگیمیزه گؤره، کامنت‌لر کامپایل اولمازلار و پروقرامچی اوچون بیلدیریش تکین عمل ائدیرلر. سونرادان الگوریتم و دستورالعمل‌لری یاخشی باشا دوشمک اوچون بو کامنت‌لری ساده‌جه اضافه توضیح اوچون یازیرسینیز. باش سطرده اؤنجه ایسلش و سونرا اولدوز سیمگه‌یی (علامت) تایپ ائدین.
C دیلینده کامنت یازماق ایسلش (/) و اولدوز (*) علامتی ایله باشلایار و ترسه ترتیب ایله ده قورتارار، یعنی اولدوز و ایسلش ایله. داریخمایین، بیر اؤرنک ایله بونو باشا دوشه‌جکسینیز.
/*
#include <stdio.h>
int main ()
{
puts ("This is an example");
return (0);
}
یاخشی، باخسانیز بوتون متن، بوز رنگه چؤندو! بو دا یعنی ایندی بوتون متن، کامنت حساب اولونور.
عیلّت ده موشخص‌دیر. کامنت اوچون باشلانقیج یازیلسا دا، قورتاریشی بللی اولماییب‌دیر.
قورتاریشی بللی ائتمه‌سنیز، بوتون متن کامنت تکین ساییلاجاق و بو دا طبیعی‌دیر.
ایسلش و اولدوز یازاندان سونرا داوام ائدین و کامنتی یازین و قورتارماق اوچون ده اولدوز و ایسلش یازین. دقیقا آشاغیدا یازدیغیمیز تکین.
/* Bilgi teqdim edir, bu bir sinaq */
#include <stdio.h>
int main ()
{
puts ("This is an example");
return (0);
}
ایندی بؤلوملریمیز اولدوقلاری تکین تانینیرلار و اؤزل رنگ‌لری ده بونو گؤستریر. ایندی ذخیره، کامپایل و ایجرا ائدین. بوراخیش ائله قاباقکی تکین اولمالی‌دیر. دئدیگیمیز تکین کامنت‌لر کامپایل اولمازلار.
ایندی آیری نوع کامنت بوراخماغی دانیشاق. ساده‌جه ایکی ایسلش و سونرا کامنت. بو نوع‌دا قورتاریش حیصه‌سی داها یوخدور. اؤنملیسی ده بودور کی سیز ایکی ایسلش (//) یازان واقت، یالنیز قاباقداکی سطری غیرفعال ائده بیلرسینیز.
چوخ آیدین‌دیر، دستورالعمل کامنت شکیلینده تعریف اولاجاق و کامنت ایسه کامپایل اولماز.
/* Bilgi teqdim edir, bu bir sinaq */
#include <stdio.h>
int main ()
{
// puts ("selam programchi arxadash");
puts ("This must be an example!");
return (0);
}
ایندی ذخیره، کامپایل (build) و ایجرا ائدین.
Output Terminal
selam programchi arxadash
This must be an example!
Process returned 0 (0x0) execution time : 0.005 s
Press ENTER to continue.
گؤردویونوز تکین ۶-جی سطرده اولان فانکشن ایجرا اولوب و ۵-جی سطر‌ده‌کی دستور دا کامنت ساییلیلاراق، کامپایل اولماییب‌دیر.
دوبل-ایسلش علامتی گؤتورون و بیر داها ذخیره، کامپایل و ایجرا ائدین. بو یول ۵-جی سطر‌ده‌کی دستور دا ایجرا اولاجاق.
Output Terminal
This must be an example!
Process returned 0 (0x0) execution time : 0.005 s
Press ENTER to continue.