scanf فانکشنی ایستاندارد اینپوت‌دان میقدار اوخویا بیلیر و stdio.h باشلیق فایلیندا یئر توتوب.
بو فانکشنی ایستیفاده ائتمک اوچون، حتما stdio.h باشلیق فایلی چاغیرمالی‌ییق.
scanf ده ائله printf ایشله‌دن یئر ساخلاییجی‌لاری (placeholder) ایشله‌دیر و معمولا ده موتغیری آلماق اوچون، & اؤن-أکی ایله تعریف اولور.
scanf ("format",&variable);
scanf فانکشنی اوچون، ایکی آرقومان وار، پارانتز ایچینده ایلک فورمت-ایسترینگ و سونرا موتغیر یازیلیر.
فورمت-ایسترینگ بؤلومو ایسه، قاباقجا دانیشدیغیمیز placeholder کاراکترلرینه شامیل اولور.
فورمت-ایسترینگ، scanf فانکشنه هانکی نوع موتغیری آلماغی ایطیلاع وئریر، بونا گؤره ده موتغیرین نوع و جنسی، placeholder ایله اویغون اولمالی‌دیر.
اؤرنک اولاراق، آشاغیداکی پروقرام‌دا، صحیح بیر عددی scanf ایله آلاجاییق و printf ایله ده بوراخیش صفحه‌سینده چاپ ائده‌جه‌ییک.
#include <stdio.h>
int main ()
{
int x;
printf ("Type an integer: ");
scanf ("%d",&x);
printf ("Integer %d\n",x);
return (0);
}
اعشاری عدد آلیب و چاپ ائتمک اوچون قاباقکی کودو، آشاغیداکی اؤرنک تکین دگیشین.
#include <stdio.h>
int main ()
{
float x;
printf ("Type a float: ");
scanf ("%f",&x);
printf ("Float %f\n",x);
return (0);
}
یاخشی.
۴-جو سطرده یازیلان int سؤزونو float ایله دگیشدیک. سونرا scanf فانکشنده‌کی placeholder اوچون یازیلان %d کاراکتر ترکیبی، %f ایله دگیشه‌جه‌ییک.
نهایتده یالنیز متن اویغون گؤرونسون دئیه، printf فانکشنده‌کی Integer سؤزونو ده Float ایله دگیشه‌جه‌ییک. ایندی کامپایل و ایجرا ائدین.
سونرا عدد سوروشولان واقت، مثلا 46.7 یازین و نتیجه‌یه باخین.
احتمالا جاواب‌دا 46.700001 یازیلا! اصلا داریخمایین، بو ائله تانینمیش موحاسیبه‌نین خطاسی‌دیر و موحاسیبه‌لرین دیقّت اؤلچوسون گؤستریر. double موتغیر اوچون دیقّت داها چوخ اولا بیلر و ییٚرساخلاییجیسی دا %lf یازیلمالی‌دیر.
ایندی کاراکتر موتغیرلری scanf ایله اوخویاق.
#include <stdio.h>
int main ()
{
char x;
printf ("Type a character: ");
scanf ("%c",&x);
printf ("Char %c\n",x);
return (0);
}
printf فانکشنینده %d یازسانیز، کاراکترین شوماره‌سی چاپ اولاجاق.
ایسترینگ اوخوماق اوچون نئجه؟
گلین ایسترینگ اوخوماغی دا بیراز سینایاق.
#include <stdio.h>
int main ()
{
char x[8];
printf ("Type a string: ");
scanf ("%s",&x);
printf ("String %s\n",x);
return (0);
}
فرض ائدین کی x موتغیّری سوروشاندا، یازدیغینیز ایسترینگین فاصیله کاراکتری ده اولا. scanf یالنیز فاصیله کاراکتره‌جن اوخویاجاق! یالنیز دا فاصیله دئییل، بلکه tab و یئنی سطر اوچون ده یولو یوخدور.
البته اؤزوموز myscanf تکین بیر آیری scanf فانکشنی بو ایش اوچون تعریف ائده بیلریک.
بئله‌دیر دا، بیر ایش گؤرمک اولماز. آنجاق بئله واقت‌لار، آیری بیر فانکشن ایله ایشی گؤره بیلرسینیز.
ایسترینگ اوخوماق اوچون فایل اوخویان fgets دستورالعملی ده ایستیفاده ائده بیلرسینیز.
fgets فایل اوخوماق اوچون اولسا دا، ایستاندارد آلیشدان دا ایسترینگ اوخویا بیلر.
#include <stdio.h>
int main ()
{
char x[16];
printf ("Type a string: ");
fgets (x,64,stdin);
puts ("String");
puts (x);
return (0);
}
یازدیغیمیز 64 ایسه، ایسترینگین ماکزیمم اوخولا بیلن اوزونلوغودور.
char x[16]; دستورالعملیسینده 16 یئرینه، داها بیر کیچیک عدد یازیلسا دا پروقرام کامپایل و ایجرا اولاجاق، آنجاق تعیین ائدیلندن اوزون ایسترینگ یازیلسا، ایخطار و اویاری وئره‌جک.
البته fgets فانکشنده‌کی تعیین اولان اوزونلوقدان اوزون بیر ایسترینگ یازسانیز، ایراد گؤرمویه‌جکسینیز. ساده‌جه تعیین اولانا قدر کاراکتر اوخوناجاق و قالانی حساب اولمایاجاق.