کاراکتر، تک بیر حرف یوخسا سیمگه (سیمبول) ساییلیر. آنجاق ایکی کاراکتر بیرلشسه‌لر، بیرلیکده ایسترینگ اولاجاقلار و بو فصلده ایسترینگ مفهومو و نئجه بو موتغیرین آلینماسینی دا توضیح وئره‌جه‌ییک. آرتیق scanf() فانکشنی و بوتون اینپوت‌لاری نئجه آلماغی‌نی دا آچیقلایاجاییق.
#include <stdio.h>
int main ()
{
char password[] = "araz";
printf ("The password is \"%s\"\n",password);
return (0);
}
۴-جو سطرده بیر موتغیر تعریف اولوبدور و araz ایسترینگی ده اونا ایختیصاص وئریلیب‌دیر. بئله میقدار وئرمک، «یئیین انتیساب» تانینیر کی البته باشقا موتغیرلر اوچون ده ایشلنه بیلر.
ایسترینگ اوچون میقدار وئرمکده، بو «یئیین انتیساب» موطلقاً ضروری بیر ایش‌دیر. یعنی آیری یولو یوخدور.
بو انتیساب‌دا، دوٚزن (ماتریس، array) ایله میقدار وئرمیشیک و گلنکی فصل‌لرده بونو داها چوخ آچیقلایاجاییق.
کروشه ایچری‌سینده نه عددی ایسته‌سنیز یازا بیلرسینیز و بو عدد، دوٚزنین نه قدر اوزون اولدوغونو آنلاتیر. اونو «یئیین انتیساب»دا بوش بوراخساق، کامپایلر اؤزو بونو حساب ائده‌جک.
ایسترینگ موتغیرین نئجه کاراکترلردن بیر دوٚزن اولدوغونو دا سونراکی فصل‌لره بوراخیریق.
#include <stdio.h>
int main ()
{
char password[] = "araz";
printf ("The whole string is \"%s\"\n",password);
printf ("The 1th character is:%c\n",password[0]);
printf ("The 2th character is:%c\n",password[1]);
printf ("The 3th character is:%c\n",password[2]);
printf ("The 4th character is:%c\n",password[3]);
return (0);
}
خروجی ایسه بئله اولاجاق:
The whole string is: "araz"
The 1th character is: a
The 2th character is: r
The 3th character is: a
The 4th character is: z
گؤردویونوز تکین ۶-جی سطرده‌کی printf فانکشنی، ایسترینگ (کاراکترلردن دوٚزلمیش دوٚزن) اوچون ایلک کاراکتری چاپ ائدیر. یعنی password[0] کاراکتری کی a اولور.
بونا گؤره ده placeholder اوچون %c یازمیشیق، یعنی کاراکتر و قالان سطرلر ده ائله بو ترتیب ایله ایسترینگ اوچون کاراکترلری چاپ ائدیرلر.