for آچار-سؤزو ده حلقه‌لندیرمک اوچون ایستیفاده اولونور آنجاق while ایله فرقلی‌دیر و بوتون شرایطی‌سی ساده‌جه بیر سطرده تنظیم اولماغا گؤره، داها مرموز قالیب‌دیر، آنجاق داها سئویملی و بلکه ده داها سونّتی حلقه‌لندیرمه یولودور. آشاغیدا for ایله حلقه‌لندیرمه‌نین شماتیکی‌نی گؤره بیلرسینیز.
for (Initialization , condition , step)
statement
و
for (Initialization; condition; step) { statements }
ائله for اوچون ده تک دستورالعمله آکولاد لازیم دئییل اما نئچه دستورالعمله شامیل اولسا، حتما بو دستورالعمل‌لر آکولاد ایچینده اولمالی‌دیرلار.
اؤزونوزو آکولاد ایله عادت وئرسز، پیس اولماز. معمولا بیر پروقرامیی سونراکی دوٚزلیش‌لرینده، آکولادین اولماماسی سیخینتی یارادیب و سیزی سهوه سالا بیلر.
initialization قیسمتی، اولیه شرایطی تعیین ائتمک اوچون‌دور.
condition ایسه حلقه‌نین هانکی شرایط‌ده فعال اولماسینی بللی ائدیر و step ده شرایطی آتدیم-آتدیم دگیشمک اوچون بیر دستورالعمل‌دیر.
ایشلر چوخ آیدین و بللی‌دیر.
#include <stdio.h>
int main ()
{
int x;
for (x = 0; x < 10; x++)
printf ("x is: %d\n",x);
Return (0);
}
۵-جی سطرده‌کی دستورالعمل بونو دئییر: x موتغیری، 0 عددیندن باشلانسین و 10 عددیندن کیچیک اولونجا آشاغیداکی دستورالعملی ایجرا ائدسین و x موتغیرین ده میقدارینی 1 سایی آرتیرسین.
آشاغیداکی پروقراما باخین:
#include <stdio.h>
int main ()
{
int x;
for (x = 0; x < 10; x++)
printf ("x is: %d\n",x+1);
return (0);
}
ایندی گئنه ده x ائله قاباقکی عدد قالاجاق، آنجاق بوراخیش صفحه‌سینده شوماره‌لر بیر واحد آرتیریب و 1'دن باشلاییب و 10'دا قورتاراجاق.
Output Terminal
x is: 1
x is: 2
x is: 3
x is: 4
x is: 5
x is: 6
x is: 7
x is: 8
x is: 9
x is: 10
Process returned 0 (0x0) execution time : 0.004 s
Press ENTER to continue.