if آچار-سؤزونو ایشلتمه‌دن اؤنجه، توتوشدورمالارین نئجه C دیلینده چالیشماسینی بیلمه‌لیسینیز.
ایکی میقدار یوخسا تعریف آراسیندا اؤلچمک و دگرلندیرمک اوچون، C پروقراملاما دیلی‌نین توتوشدورماچی اوپراتورلارینی قوللانمالیسینیز:
آشاغیداکی کودا باخین:
#include <stdio.h>
int main ()
{
int a;
printf ("Type an integer: ");
scanf ("%d",&a);
printf ("You typed %d.\n",a);
if (a > 10)
printf ("%d is greater than 10.\n",a);
return (0);
}
6-جی سطرده a موتغیر اوچون بیر عدد آلینیر.
سونرا 8-جی سطرده if دستورالعملی چالیشیر و a موتغیرین میقداری 10 عددیندن بؤیوک اولسا، آشاغیداکی سطری ایجرا ائده‌جک یوخسا اوبیری سطره گئچه‌جک.
if موقاییسه‌سیندن سونرا آکولاد ایله نئچه سطرین ایجراسینی بیرلیکده مشروط ائتمک اولار، آنجاق آکولاد اولماسا، یالنیز سونراکی بیر سطری مشروط ائتمک اولار.
ایسته‌سنیز نئچه سطر و باشقا زادلاری شرط ایچینده ساخلایاسینیز، حتما شرط دستورالعملیندن سونرا او سطرلری آکولاد آراسیندا یازمالیسینیز.
آشاغیداکی میثال بو موضوعو نظرده آلیب‌دیر:
#include <stdio.h>
int main ()
{
int a;
printf ("Type an integer: ");
scanf ("%d",&a);
printf ("You typed %d.\n",a);
if (a > 10)
{
printf ("%d is greater than 10.\n",a);
printf ("This is the extra statement");
}
return (0);
}
گؤردویونوز تکین 9-جو و 12-جی سطرلرده‌کی آکولاد ایله 10-جو و ۱1-جی سطرلرده‌کی دستورالعمل‌لرین ایجرا اولمالارینی 8-جی سطرده‌کی شرط ایله مشروط ائتمیشیک.
if دستورالعملی اوچون عمومی گؤرکم بئله اولمالی‌دیر:
if (condition) { statements }
گؤردویونوز condition، شرط دورومو ساییلیر، مثلا a=10 و b<7 تکین و statement ایسه مشروط اولونموش دستورالعمل‌لری گؤستریر.
شرط اوچون جاواب بلی (ائوئد، yes ,true ) اولارکن، آکولاد آراسی ایجرا اولاجاق یوخسا آکولاد آراسی ایجرا اولمایاجاق.
بیر if اوچون، بیر ساییدا آچیق آکولاد و بیر ساییدا دا باغلی آکولاد نظرده آلینمالی‌دیر.
بئله‌لیک‌له مشروط دستورالعمل‌لرین یئری و ایجرا محدوده‌لری بللی اولاجاق.
آشاغیداکی کوْد'دا ایکی شرطی ایچ-ایچه ایشلتمیشیک.
بو پروقرامین ایشی، سیزدن آلینمیش عددی 5 و 10 ایله توتوشدورور و اونلارین آراسیندا اولسا، نتیجه‌یی چاپ ائدیر.
۱۴-جو سطرده‌کی باغلی آکولاد، 3-جی سطرده‌کی آچیق آکولادین تایی‌دیر و ۱2-جی سطرده‌کی آکولاد ایسه 9-جو سطرده‌کی‌نین تایی‌دیر.
بونون دا نه‌دنلیگی آیدین‌دیر، بیر جوفت آکولادین آراسیندا، تک آکولاد اولا بیلمز!
ائله پارانتز اوچون ده بئله بیر منطیق‌سل قانون وار. قالان عیبارت‌لر ده ائله ریاضی‌ده ایستیفاده اولدوقلاری تکین‌دیرلر.
شرط قیسمتینده یازیدیغینیز عیبارت، توتوشدورما اوچون ایستیفاده اولان عیبارت‌دیر و هانکی تصمیم‌لرین توتولماغی و پروقرامین آخینتی‌سینی کونترول ائدیر.
#include <stdio.h>
int main ()
{
int a;
printf ("Type an integer: ");
scanf ("%d",&a);
printf ("You typed %d.\n",a);
if (a < 10)
{
if (a > 5)
{
printf ("%d is between 5 & 10.\n",a);
}
}
return (0);
}