"Geany"نین چالیشماسی
geany چوخ یونگول و راحت بیر IDEدیر و متنی فایلین اوستونده چالیشیر و کامپایل و باغلاشدیرماق نتیجه‌سینی ده ائله اصلی فایلین یانیندا ساخلاییر. چوخ دا ماراقلی اؤزللیک‌لری وار.
ایشلتدیگینیز فایلین سون-أکی .c اولسا، اتوماتیک حالت‌ده اونو C پروگراملاما دیلی‌نین سورس کُدو حساب ائده‌جک.
Geany چالیشاندان سونرا، یئنی بیر فایل آچین و اونو test.c آدی ایله ذخیره ائدین.
سونرا آشاغیداکی پروگرامی یازین و گئنه ده ذخیره ائدین.
#include <stdio.h>
int main ()
{
printf ("Səlam Dünya!\n");
return 0;
}
لاپ سول ألده‌کی آیکون، کامپایل اوچون‌دور. یعنی یاشیل هرم، ساری فلش و قرمز توپ.
سونراکی قهوه‌ای بلوک آیکونو ایسه Build اوچون ایشله‌نیر. قاباغینداکی بوز رنگ‌ده دنده شکلی ده اجرا اوچون ایشله‌نیر.
بونلارین هامیسی، اوستده‌کی منودان دا سئچیله بیلر.
set build commands قسمتینده، تنظیماتی دگیشه بیلرسیز. ایسته‌سز اجرا وقتی مثلا F5 دوگمه‌یی ووراندا پروگرام کامپایل دا اولا، build ده اولا و سونرا اتوماتیک حالت‌ده اجرا دا اولا، اوندا compile و build اوچون دستورالعمل‌لری آشاغیداکی تکین، execute قسمتینده یئرلشدیرملی اولاجاقسیز:
Execute قسمتینده، "./%e" یازیلیب‌دیر.
بوندان اؤنجه کامپایل و باغلاشدیرماغی آرتیرماق اوچون آشاغیداکی تکین یازین:
gcc -Wall -c "%f" && gcc -Wall -o "%e" "%f" && "./%e"
&& آچارسؤزو مختلف دستورلارین آراسیندا بونو دئییر کی قاباقکی دستور کامل اجرا اولاندان سونرا، سونراکی دستور اجرا اولسون.
بئله‌لیکله اؤنجه کامپایل و سونرا build و دالیسیجا دا اجرا.
-Wall دا یعنی بوتون اویاری‌لار (اخطار - warning) گؤرونسون.
-c کامپایل اوچون compile یازیلیر.
-o آبجکت فایلی بوراخماق اوچون ایشله‌نیر. اونوتماساز، پروگرامین نتیجه‌سی‌نین .o سون-أکی ایله گلمه‌سی اوچون قاباقجا «سورس کُد نه‌دیر؟» بؤلومونده دانیشمیشدیق.
داها دوغروسو، بورادا گؤردوک‌لرینیز، ائله gcc اوچون ترمینال‌دا ایشلتدیگینیز عادی دستورلاردیر.
Geany اوچون سینتاکس رنگ‌لری Code::Blocks ایله فرق‌لی گؤرونور و چوخلاری بونو بگنمیرلر (ائله من ده). بونو دا بیر نئچه تنظیماتی دگیشمک‌له بیتیرمک اولار. لینوکس اوچون /usr/share/geany/ مسیرده بو تنظیمات یئرلشیب. filetypes.common و filetypes.c فایل‌لاریندا بو تنظیماتی دگیشه بیلرسیز.
اؤنجه filetypes.c فایلی:
بوتون اؤن-ایشلمچی (preprocessor) سطرین بیر رنگ‌ده گؤرونمه‌سی اوچون، آشاغیداکی سطرده یازیلان 1 عددین یئرینه 0 یازین.
[lexer_properties]
styling.within.preprocessor=0
سونرا تک کوت آراسینداکی کاراکتر اوچون:
character=character
مختلف آچار سؤزلرین لیستی و آیری اطلاعاتی گؤره‌جکسیز و دگیشه بیلرسیز.
سونرا filetypes.common فایلی:
آشاغیداکی دگیشیکلیک‌لری اعمال ائدین و تمام.
comment=0xA0A0A0
number=0xF000F0
keyword=0x00007f;;true;false
string=0x0000A0
string_2=0x008000
character=character_1
character_1=0xd29600
preprocessor=0x00a000
operator=0xFF0000
ایندی Code::Blocks اوچون سینتاکس‌لارین رنگی نئجه گؤرونورسه، Geany اوچون ده ائله گؤرونه‌جک.