پروگراملاما سیزین یازیلیم (software) یارادان فعل‌دیر. موبایل، کامپیوتر، تبلت، اوْیون کُنسولی و میکرو کنترلر و بئله جزء‌لار تکین دونانیم (hardware) تانینان الکترونیکی وسیله‌نین فیزیکی قسمت‌لرینی ائله بو یازیلیم کنترل ائدیر.
بو عملیات ایسه پروگراملاما دیلینده شکل توتور و بو کتاب‌دا، ۱۹۷۰-جی ایل‌ده‌کی گلیشمیش (توسعه تاپان) C پروگراملاما دیلینه گؤره دانیشیلاجاق.
C چوخ قوجا و قدمت‌لی دیل‌دیر، زمان بویو C پروگراملاما دیلی، دیل‌لرین ایچینده لاتین دیلی تکین بیر یئر توتوب.
آنجاق لاتین تکین ده آرادان گئتمه‌ییب. یئنی و گؤزل پروگراملاما دیل‌لر چیخسالار دا، C پروگراملاما دیلی ایندی ده اونلار ایله بیرلیکده چوخ ایشله‌نیر.
اوْ لاتین تکین آیری دیل‌لرین اساس و فونداسیون‌لاری ساییلیر. سیز C باشارساز، پروگراملاما ایشینده چوخ درین و اساسی گؤرونتو تاپاراق آیری پروگراملاما دیل‌لری داها راحت باشاراجاقسیز.
گلنکی فصل‌ده، پروگراملامانین قانون‌لاری، گرامر و باشقا قاعده‌لره گؤره دانیشاجاییق. آنجاق ایندیلیک یازدیغینیز پروگرامی «سورس کُد» (source code) آدلاییب و بئله نظرده آلین.