فایل عملیات‌لاری لاپ چوخ ایشله‌نن عملیات‌لاردان‌دیرلار. تقریبا بوتون کامپیوترین ایشلری ذخیره اولونور و حتی اونا لازیم اولان ایطیلاعاتی دا بیر ذخیره اولونموش یئردن اوخوماق گره‌کیر.
مثلا بیر پروژه اوچون متن حاضیرلانان واقت، قاباقکی ایطیلاعاتی اوخویوب و سونرا بیراز اوستونده چالیشاراق، دگیشدیرندن سونرا بیر داها ذخیره ائتمک لازیم اولور.
یا بیر نئچه عددی اوخویوب و موحاسیبه‌نین نتیجه‌سینی ذخیره ائتمک لازیم اولور.
سیز بوتون ایداری، فنی و موهندیس‌لیک پروقراملارلا بو ایشلری گونده گؤرورسونوز و بو فصل‌ده مطرح ائتدیگیمیز مفهوم‌لار ایله، بو عملیات‌لارین نئجه باش وئریلمه‌سینی آیدینجاسینا باشا دوشه‌جکسینیز.