عموما fscanf() فانکشنی ایطیلاعاتی اوخوماقدا تایسیز بیر فانکشن ساییلیر و موختلیف نوع‌لاردان موتغیرلری چوخ راحات اوخویا بیلیر و fprintf() فانکشنی تکین ده فورمت تعیین ائتمک اؤزل‌لیگی وار. بو فانکشنین شماتیک گؤرونتوسو بئله‌دیر:
fscanf ( file pointer , formatting type , arg1 ,arg2 , ... );
آشاغیداکی اؤرنگه باخین:
#include <stdio.h>
#include <stdlib.h>
int main()
{
int a;
char b[32],c[32],d[32],e[32];
FILE *fp;
fp = fopen("new file.txt", "w+");
fputs ("1 text has been typed!",fp);
rewind (fp);
fscanf(fp,"%d%s%s%s%s",&a,b,c,d,e);
printf("a = %d\nb = %s\nc = %s\nd = %s\ne = %s",a,b,c,d,e);
fclose(fp);
return 0;
}
بوراخیش صفحه‌سی:
Output Terminal
a = 1
b = text
c = has
d = been
e = typed!
Process returned 0 (0x0) execution time : 0.004 s
Press ENTER to continue.
۸-جی سطرده fopen اوچون w+ آچاری ایشلنیب‌دیر. بئله‌لیک‌له فایلی یئنیدن یاراتدیغیمیز واقت، اونو اوخویا بیلریک ده.
سونرا ۹-جو سطرده fputs ایله فایل‌دا بیر متن یازیلیب. سونرا ۱۰-جو سطرده rewind() فانکشنی وار کی فایل ایشاره‌چینی فایلین باشینا اینتیقال وئریر.
rewind() فانکشنی بیر بوش (void) فانکشن‌دیر و چوخ ساده گؤردویو ایش ایسه، فایل ایشاره‌چی‌نین آخیم یئریسینی (stream position) باشلانقیج و ایلک یئره آپارماقدیر.
۱۱-جی سطرده ایسه fscanf فانکشنی ایله فایل اوخونوب. اؤنجه فایل ایشاره‌چیسی و سونرا فورمت متنی. ایلک اولاراق %d ایله اینتیجر عددی اوخوماق، تعیین اولوب و سونرا دا ۴ ساییدا %s ایله ده ۴ ساییدا ایسترینگی اوخوماق گؤزلنیب‌دیر. دالیسیجا دا &a ایله a موتغیری و b و c و d و e ایله ده قالان ایسترینگ‌لر.
دقیقا scanf تکین ایسترینگ اوخوماغا دا & یازماق لازیم دئییل.
بیر نوکته‌یی ده اونوتامامالیسینیز: fscanf() فانکشنی اوخویان واقت ایسترینگ‌لرین آراسینداکی فاصیله، تب، فایل و سطرین آخیرینی اوخوماز! بئله‌لیک‌له ایسترینگ‌لری بیر بیر اوخویاجاق و بو چوخ ایش وئریشلی باجاریق‌دیر.
۱۱-جی سطرده فورمت آرقومانی و موتغیر آرقومان‌لارا باخسانیز، بونو آیدینجا باشا دوشه‌جکسینیز.
سونرا دا اوخونمش موتغیرلر چاپ اولورلار.