فایل فانکشن‌لرین آچارلاری
قاباقکی عملیات‌لاردا mode قیسمتی وار ایدی و fopen() فانکشنی مودیریت ائتمک اوچون بیر تعداد آچارلار ایشلنیر.
mode آچاری بونلار اولا بیلر:
- "w" : فایلی تاپسا ایطیلاعاتی‌نین یئرینه یئنی ایطیلاعات یازار، تاپانماسا دا یئنی فایل یارادار.
- "w+" : دقیق "w" آچارین تایی‌دیر آنجاق فایلی باغلامادان اؤنجه، اوخویا بیلر ده.
- "wb" : دقیق "w" آچارین تایی‌دیر آنجاق باینری حالت‌ده.
- "wb+" : دقیق "w+" آچارین تایی‌دیر آنجاق باینری حالت‌ده.
- "a" : یالنیز فایلین آخیرینه یازار و فایلی تاپانماسا، یئنی فایلی یارادار - آخیم (stream) یئری فایلین سونونا گئدر.
- "a+" : دقیق "a" آچارین تایی‌دیر آنجاق اوخویا دا بیلر - fseek و fsetpos و rewind تکین عملیات‌لاری سایماز - آخیم (stream) یئری فایلین سونونا گئدر.
- "ab" : دقیق "a" آچارین تایی‌دیر آنجاق باینری حالت‌ده.
- "ab+" : دقیق "a+" آچارین تایی‌دیر آنجاق باینری حالت‌ده.
- "r" : فایلی اوخویار - آخیم (stream) یئری ده فایلین باشیندان باشلایار - فایلی تاپانماسا، ایشی بوراخار!
- "r+" : دقیق "r" آچارین تایی‌دیر آنجاق یازا دا بیلر.
- "rb" : دقیق "r" آچارین تایی‌دیر آنجاق باینری حالت‌ده.
- "rb+" : دقیق "r+" آچارین تایی‌دیر آنجاق باینری حالت‌ده.
بوتون آچارلار چالیشاندا فایلی اوخویا بیلمه‌سه‌لر یا یارادا بیلمه‌سه‌لر، اوندا fopen() فانکشنین میقداری NULL قایتارار!
ایندی آشاغیداکی میثالا باخین:
#include <stdio.h>
int main()
{
FILE *fp;
fp = fopen("new file.txt", "w");
fclose(fp);
return 0;
}
بیز اصلینده بیر فایلی آچماق ایسته‌میشیک، آنجاق fopen فانکشن‌ده "w" آچاری ایله یازماق اوچون چالیشمیشیق و بو دا فایلی یاراتماق آنلامینا گلیر.